شلبية
أم عاصم أم عاصم خاطرة عامية باللهجة الصعيدية
.. شلبية ....
آه منك انتِ يا شلبية
يا ام العيال الكتير مستنية
الحسنة من دا وده وياريت مكفية
بنات واولاد على الرصيف مرمية
وشوش شاحبة وكفوف محنية
بتراب الشوارع وطينتها المندية
وبنار شمس حرها في الصيف مكوية
ولسعة بردها في الشتا ورياحه المدوية
وآخرها واحد بلطجي والتاني هفية
كنتِ فاكرة بكترهم هتكوني غنية
آه منك انتِ يا شلبية
الراجل يا ولداه يصرخ كفاية يا ولية
تعبان من الشقى والغلب كتافه مَحْنِية
لسان حاله يقول كان على عنيا
نفسي اعيشكم عيشة هنية
وشلبية تقول الولاد من ربنا هدية
غيرنا كتير ناس ليها مسترجية
آه منك انتِ يا شلبية
صحتك راحت وعاملة ع المستشفى دورية
مش لاقية فيها دوا ولا حتى حِنية
واخرتها موتة وتبقي سيرة منسية
وسايبة وراكي كتير ذُرية
لالنفسهم نافعين ولا حتى لهم دِية
...أم عاصم أم عاصم...
تعليقات
إرسال تعليق