سيد سيد #عارف_يااااااااااارب
أنا ﻣﺮﺓ ﺯﻣﺎﻥ ﺣﺒﻴﺖ ﺟﺪﺍً
ﺇﺫ ﻓﺠﺄﺓ ﺻﺤﻴﺖ ﻭﻻﻗﻴﺘﻨﻰ ﺑﻌﻴﺪ
ﻣﻦ ﻏﻴﺮ ﺃﺳﺒﺎﺏ ﻭﺍﺿﺤﺔ ﺃﻧﺎ ﻓﻌﻼ
ﻣﺒﻘﺘﺶ ﺑﺤﺲ بإﻧﻰ سعيد
وﻋﺎﺩﻯ ﺑﺤﺐ ﻓﻼﻧﻪ ﻭ ﺍﺳﻴﺒﻬﺎ
ﻭﻋﺎﺩﻯ ﺑﺤﺐ ﻋﻠﻴﻬﺎ ﺍﺗﻨﻴﻦ
ﺃﻣﺸﻰ ﺍﻟﺴﻜﻪ ﺍﻟﻐﻠﻂ ﺍﻛﻤﻨﻰ
ﺑﻮﻫﻢ ﻧﻔﺴﻰ ﺑﺨﻂ ﺭﺟﻮﻉ
ﺍﻟﻤﻤﻨﻮﻉ ﻓﺠﺂﻩ ﺑﻴﻌﺠﺒﻨﻰ
ﻭﺍﻓﻀﻞ ﻣﺎﺷﻰ ﻣﻊ ﺍﻟﻤﻮﺿﻮﻉ
ﺍﻧﺎ ﻣﻮﺟﻮﻉ ﻭ ﻣﺮﻳﺾ ﻳﺴﺘﺎﻫﻞ
ﺣﻖ ﺍﻟﺸﻔﻘﻪ ﻣﻦ ﺍﻟﻌﺎﻳﺸﻴﻦ
ﺑﺨﺴﺮ ﻧﻔﺴﻰ ﻋﺸﺎﻥ ﺑﺎﻟﺴﺎﻫﻞ
ﺑﺎﺧﺬ ﺫﻧﺐ ﺍﻟﺒﻨﻰ ﺃﺩﻣﻴﻦ
ﺇﻳﺪﻯ ﺍﻟﻠﻰ ﺑﺘﺎﻛﻞ ﻭ ﺑﺘﺴﺮﻕ
ﻗﻠﺒﻰ ﺍﻟﻠﻰ ﺑﻴﻨﺒﺾ ﻭﺑﻴﻜﺮﻩ
ﻭﻟﺴﺎﻧﻰ ﺍﻟﻠﻰ ﺗﻤﻠﻠﻰ ﻳﻨﻢ ﻭ ﻧﺎﺯﻝ ﺫﻡ ﻓﻰ ﺻﺎﺩ ﺃﻭ ﺳﻴﻦ
ﺍﻧﺎ ﺧﺎﻳﻒ ﺟﺪﺁ ﻋﻠﻰ ﺭﻭﺣﻰ
ﻭﻣﺮﺍﻳﺘﻰ ﺗﻤﻠﻠﻰ ﺑﺘﻮﺟﻌﻨﻰ
ﺍﻧﺎ ﺧﺎﻳﻒ ﻣﻦ ﺻﺎﺣﺒﻰ ﻷﻧﻪ
ﻓﻰ ﺍﻷﺧﺮﻩ ﻻ ﻳﻤﻜﻦ ﻳﻨﻔﻌﻨﻰ
ﺍﻧﺎ ﻋﻴﻞ ﻣﺴﻮﺍﺵ ﺗﻌﺮﻳﻔﻪ
ﻣﻊ ﺫﻟﻚ ﺩﺍﻳﻤﺂ ﺑﺘﻤﺎﺩﺍ
ﺍﻧﺎ ﻏﺮﻗﺎﻥ ﻓﻰ ﺫﻧﻮﺑﻰ ﺯﻳﺎﺩﻩ
ﺻﻮﺕ ﺑﻴﻘﻮﻟﻰ ﻳﺎ ﺧﺎﻳﺐ ﻗﻮﻡ
ﺷﻮﻑ ﺗﻘﺮﻳﺒﺎ ﻛﺬﺍ 100 ﻳﻮﻡ ﻭﻣﻘﺮﺑﺘﺶ ﻟﻠﺴﺠﺎﺩﻩ
ﺍﻧﺎ ﻣﻦ ﺟﻴﻞ ﻣﺴﺘﻜﻔﻰ ﻫﻤﻮﻡ
ﻟﻮﻥ ﺃﻳﺎﻣﻪ ﺷﺒﻴﻪ ﻟﻠﺴﺎﺩﻩ
ﺇﺣﻨﺎ ﻳﺎﺭﺏ ﺑﺸﺮ ﻣﻦ ﻃﻴﻦ
ﺇﺣﻨﺎ ﺿﺤﺎﻳﺎ ﻋﺸﺎﻥ ﺗﺎﻳﻬﻴﻦ
ﻛﻞ ﻳﺸﻮﻑ ﺃﻓﻌﺎﻟﻨﺎ ﺳﻔﺎﻟﻪ
ﻭﺇﺣﻨﺎ ﻧﺸﻮﻑ ﻧﻔﺴﻨﺎ ﻣﺴﺎﻛﻴﻦ
ﺇﺣﻨﺎ ﺿﺤﺎﻳﺎ ﻋﺸﺎﻥ ﺭﺍﻣﻴﻦ
ﻛﺘﺐ ﺍﻟﺪﻳﻦ ﻋﻠﻰ ﺭﻑ ﺍﻟﻜﻨﺒﻪ
ﺍﺣﻨﺎ ﻳﺎﺭﺏ ﻋﻴﺎﻝ ﻣﺶ ﻭﺍﻋﻴﻪ
ﺭﻏﻢ ﺍﻟﺸﻬﺎﺩﺍﺕ ﻣﺶ ﻓﺎﻫﻤﻴﻦ
ﺍﺣﻨﺎ ﺑﻨﻐﻠﻂ ﻭﺑﻨﺮﺟﻌﻠﻚ
ﻭﺑﻨﺴﺠﺪ ﻭ ﻧﻘﻮﻝ ﺁﺳﻔﻴﻦ
ﺍﺣﻨﺎ ﺣﻨﻔﻀﻞ ﻧﻐﻠﻂ ﻭ ﺍﻧﺖ ﺑﺘﻐﻔﺮ ﻟﻴﻨﺎ ﻟﻴﻮﻡ ﺍﻟﺪﻳﻦ
#سيد
تعليقات
إرسال تعليق