اﻷستاذ كرم عبدالحميد الحكايه
ف البدايه
زي مشهد من روايه
كله بيمثل كتير
دور حنين
طبعه لين
دور يصهين
دور يغير
يتصل يسأل عليك
لو تتوه عنه يلاقيك
يتنصب ميت فخ ليك
الف حفره بدون ضمير
تبقي حاسس بالطيابه
وانه مشتاقلك صبابا
لحن محفوظ عالربابه
واتعزف قبلك كتير
يتعمل بحرك طحينه
واما تركب ف السفينه
ماتلاقيش ولا اي مينا
وكل احلامك تطير
يترسملك الف وش
يتبنالك بيت وعش
والمشاعر تبقي غش
ف النهايه سراب كبير
قلبك ال طلعت بيه
يسرقوا الفرح اللي فيه
وببسهوله تهون عليه
ال قلت عليه ده غير
بعد ماتكون الضحيه
تنتهي المسرحيه
والنهايه المنطقيه
انت تبقالهم اسير
ناس بتعرف بس تدبح
ف القلوب بالذات بتجرح
ماتلاقيش ف قلوبها مطرح
تقدر انت تقول فيه خير
كل جرح وكل شده
اعرف ان دي ليها رده
وان حساب الدنيا عدي
فالحساب بعدين عسير
المهم تقوم وتقدر
تبقي من احزانك اكبر
وانك انت تكون مقرر
ان ده الدرس الاخير
تعليقات
إرسال تعليق