اﻷستاذ كرم عبدالحميد ياناس شايفاني من بره
بلاش الحكم علي واحد
اذاه الدهر ميت مره
ومحدش جنبه بيساند
ولما يحب يتواعد مع الدنيا
فبتعاند
وساعده وبس بيساعد
هموم الدنيا علي باله
ولا حد انتبه ماله
ضعيف جدا قصاد حالو
وادام البشر جامد
وبتقولوا عنيد فاكرين
بان عنيد هتوجعني
ماجبتوش الجديد يعني
مانا من صغري
وبعاند
مع الايام
تهد ف حلم
تقوم احلام
وطبع خلاص انا اخدته
بقي اللي يعاند انا اعانده
ولو عالصبر هتحداه
وانا اده
محدش جرب انه يكون
حنين حبتتين هو
ف مره يشوفني من جوه
هيلقي بعد بحر العند
محيط م الود
قصاد ورده هيزرعها
جناين ورد
ولو هتزيدوا ف القسوه
فانا اقوي
وانا اشطر
ميتين مره
وهفرق عنكو ف الخبره
وقلتو ده عيبه
حب الذات
وعنده غرور وانانيه
ودي بالذات
ماهيش فيا
انا اللي بميل
لكل ضعيف ووحداني
لقيت الناس نسيتني كتير
فمش هقدر انا انساني
ولو سابت ايدين كفي
فانا هكفي
ولو كل البشر ضدي
فانا ف صفي
ويوم ماهشوف قلوب سابت
هكون ثابت
ولما هلاقي ناس غابت
هقول خابت
انا مش هنفي احكامكوا
ولا هبرر
وعندي قناعه و مقرر
انا ف وجودكوا مش كسبان
وانا ف غيابكوا مش هخسر
تعليقات
إرسال تعليق