اﻷستاذ فتحي الطنطاوي انا فلاح ابن الأرض والعرض انا اللى الزرع على ايدى كبر وطرح فلاح حرمكافح الفأس بكفى وللارض أصافح أحول البور لجنانين وزهور اخلى الطالح صالح من ايدى وكدى وعرق جبينى زرعت لجل اطعمكم وانتم ماعرفتم جميلى تشوفوا الشريف الفلاح تتريقواوانتم من غيره الرغيف متلاقوش اصل الفالح الحظ مابيعرفوش ولاعرف الغش والنفاق ولاصاحب أصحاب الكروش كله اتمرداشتكى والفلاح صوته مطلعهوش وانا بصوت عالى بقول انا فلاح وبعيش بفاسى واروى الارض بجبينى مع الجلابيه برتاح وأعيش عيشه هنيه ولا مرض كرسى وزل وظيفه فيها كوسه وباشيش وليه بالحرام اعيش يلا يافندى امشى من عندى واوعى يوم من جارى تعدى لانك مابتقدر الفلاح فلاح وبكل فخر فلاح انزرعت القيم والأصول على ايدى فلاح ماقولت اه مهما تقل الحمل فلاح اصل الحضاره ورمزوتاريخ فلاح عمره ماخان ولا اتونس الابالملك الديان انافلاح اصل الفلاح والكفاح والصلاح والسماح فلاح عمره عن الواجب مااستخبى ولا لحق الوطن لحظه هرب ومالباش يلى بتنظر بفهم جاهل على الفلاح دور فى اصلك وشوف كان فى بجدودك كام فلاح وتاريخ شرف وعزه وعفه وكفاح بايدى بدلت الصحرا جناين فيها فاكهة وموالح طول عمرى الخير على ايدى والزرع طارح بحمد ربنا على قوت اليوم ومش بندم ان جعت امبارح
تعليقات
إرسال تعليق