كرم عبد الحميد "معلش نصيب "
كان بالنسبالها الدنيا بحالها
مش بتشوفه بس حبيب
روحها في قربه منها تمالي
بتتعب جدا لما يغيب
شافت فيه اللي بتتمناه
وآمنت له علي كل ما فيها
قالت تبني حياتها معاه
دي اكتر حاجه بتحلم بيها
وعدها بأنه مش هيسبها
وانه هيفضل عايش ليها
ومش هيفرق حاجه مابنهم
و١٠٠ حلفان علي انه شاريها
سابت كل الدنيا عشانه
عايزه تكون علي طول وياه
ليل ونهار بتفكر فيه
كانت بتحس براحه معاه
سنه سنتين والوضع اتغير
اصبح واحد مش عرفاه
خافت جدا انه يسبها
لانه اتغير فجأه عليها
حاست انه بدأ يهملها
بعد ما كان متمسك بيها
حاولت تفهم ايه الموضوع
وليه متغير كدا وناسيها
فهمت انه مكنش حبيبها
وانه اساسٱ بيلعب بيها
كان لازم تعرف لحظتها
انه خلاص فعلا هيسب
وآخر جمله لسانه نطقها
يلا خلاص معلش نصيب..
تعليقات
إرسال تعليق