وائل عمر (إهداء إلى روح أمى التى لم أجد فى قاموس الكلمات كلام يصف حنانها)
الام
الام دى نبع حنان ما بينتهيش
هى الملاذ لما ادور ع الحلول وما لتقيش
سبب وجودي
ومن غذاها صلبت عودي
هى الوحيده إللى تتمنى تموت واعيش
ولو ف يوم عليها مره
رفعت صوتي
فى لحظه تسامحنى
وتضمنى بين إديها
اول ما أقول كلمه يا أمى ما تزعليش
هى اللى تحس بألامى
من كلامى ومن سكوتى
ولو ف ليل سهرت معايا
من تعبها ما تشتكيش
أن كان ف صغرى أو صبايا
دايما فى بالها ما تنسانيش
دا هى نبع من الحنان ما بينتهيش
وهى الوحيده إللى تتمنى تموت واعيش
وناسيه حالها
مش فاكره دايما غير ولادها
دايما ف بالها
وتقول لنا غير همكوا فى الدنيا دى ما يهمنيش
لو حد فينا ف يوم تعب
أو اشتكى
يهون عليها الكون بحاله
بس ابنها ما يشتكيش
وتغرق عيونها فى البكى
وتضمنا
غير حضنها م الدوا فى الكون ما فيش
ولما نسبها دقيقة واحده
تفضل ف حيره
رايحه جايه كدا وكدا
ول لهفتها ما بداريش
وتقول لنا أول ما نيجى
بعدكوا عنى يعنى موتى
يعنى انى
نفسى يخرج ما يجنيش
لو نمنا يا أمى تحت رجلك
طلقه واحده ما نوفكيش
دا ربى قال من غير رضاكى
ف الجنه ولا يوم نعيش
عندى سؤال
نفس أسأله من يوم وجودي
كل ام يا أمى زيك فى الحنان
ولا انتى ف الدنيا زيك ما فيش
لو كل أم فى الدنيا زيك
انتى يا امى
كان الكون ف سلام يعيش
(وائل عمر)
تعليقات
إرسال تعليق