شيماء الدالي #محبتنيش
عارفه انك محبتنيش
هلومك ليه وابكى عليه
وايه بأديه
وايه كان ذنبه
إنه محسنيش
يمكن احساسنا مختلف
يمكن ميولنا مش واحده
لو لسانه ليا حلف
بلاقى نظره عينه شاهده
إنه قلبه حالف ميجيش
يمكن كنت عليك بصعب
يمكن كنت بتخاف
لتهجر واتعب
وعشان انت عارف
إن غيرك ماليش
حاولت كتير تثبتلى
إنك عاشق ودايب
بس رسايل قلبك وصلتلى
بتقول أن النبض غايب
والقلب بيحاول يعيش
بتسد خانه حرمانى
بتحاول توجدلى معانى
كأنك بتعالج مريض
بيتألم ف مرضه ويعانى
فاكرنى فعلا مصدقه
لا لا مفهمتنيش
قلبى اللى حبك
يقدر يترجم الغموض
عشقى لقلبك
يقدر يشوف ايه جواك موجود
ايوه انا مش سكناك
ومكانى مش جواك
بس حبك جوايا
ابدا مينتهيش
كتر خيرك ويسلم ضميرك
مكنتش ليك سكن
وبرغم كده مجرحتنيش
ومش ذنبك
إنك محبتنيش
#شيماء_الدالى
تعليقات
إرسال تعليق