كرم عبد الحميد كلمة شرف
خدي وعد مني ودين
حبي يقضيكي
ويفيض علي العاشقين
قلبي اللي داب فيكي
جاب القلوب شاهدين
غيرك مايسكن فيه
وانتي اللي هتكفيه
وده عهد ما بينفيه
ابدا ليوم الدين
كلمه شرف لصديق
هبقى معاك ضلك
ان توهت يوم ف طريق
روحى اللى هتدلك
ف الفرح او ف الضيق
جنبك وهفضلك
لو نعمه يوم زالت
او دمعه يوم سالت
او جت ف يوم مالت
ف بأيدى هعدلك
كلمه شرف ف فراق
ماتشوفش منى دموع
هردم على الاشواق
واضحك بصوت مسموع
لو حتى صدرى ضاق
او قلبى كان موجوع
اللهفه هخفيها
والحرقه هطفيها
والحاجه لو فيها
روحى هقول ممنوع
كلمة شرف لعزول
هشغل كتير بالك
هاخد ليالى الفرح
والغيره تبقالك
هتقول كتير مبروك
وانا ارد عقبالك
نارك لايوم تبرد
وتعض طوب الارض
وانا اعيش بطول وبعرض
واشفق على حالك
تعليقات
إرسال تعليق