أيام .. بقلم : سامح بلال
ياايام ليه معنداني
____________
ياايام ليه معنداني
ليه جايه ليه على حقي
وشيفاني ليه الجاني
وليه واقفة ف وشي بعنف
وبتسندي ف سجاني
ليه توب الهم من حظي
وأيام السعادة بعيد
ليه جايه عليا ليه بالجرح
وباعدة الفرح عني بعيد
قوليلي ليه معنداني
ليه قاسية اوي وظلماني
ليه رسمة الفرح للأغراب
وانا اللي تملي قصداني
ابوس ايدك كفاية جراح
وهلي بسمه تزرع ورد
كفاية جفاك قتل حلمي
وشقق قلبي زي الأرض
بقيت موجوع وجسمي عليل
لا متحمل عتاب ولالوم
ولا قادر اكلم حد
#سامح_بلال
يابخته
اللي انسعد بيكي
ونال م الحب مااتمناه
يابخته
بجد بوجودك
يافرحة قلبه وانتي معاه
معاك
عاش الحياة بالحب
وحبك حب كان لسنين
بيحلم يبقى يوم وياه
وحلم
العمر اهووووو اتحقق
وبقي جمبك لحبه حياه
بيتملا
ف لون عينك
ف ضحكة لونها على خدك
ف تفاصيلك واحساسك
ف كل نبضه من قلبك
يابخته
اللي انسعد بيكي
ونال م الحب مااتمناه
يابخته
بجد بوجودك
يافرحة قلبه بيك وهناه
#سامح_بلال
تعليقات
إرسال تعليق