زمان ومكان/ بقلم مرقص اقلاديوس

زمان و مكان و حال
بقلم ..مرقص اقلاديوس
............
يا كل شجر على الأرض طارح.
يا كل سمك تحت موج البحر سابح.
يا كل طير فوق فى السما سارح.
سبحوا الله فى كل زمان.
                    و فى كل مكان .
                     و فى كل حال.

يا كل عين لسه بتفرح.
يا كل عقل لسه بيشرح.
يا كل قلب ما يرضاش لحبايبه يجرح.
يا كل خلق لله على الأرض بيسرح.
سبحوا الله فى كل زمان.
                   و فى كل مكان.
                   و فى كل حال.

فكروا فى بكرا مش فى امبارح.
بكرا جماله مش محتاج شارح.
بكرا جاى و بالفرح سارح.
بكرا فى كل الجناين للورد طارح.
بكرا الكل فيه راضى و ناجح.
يا كل خلق الله.
و كل مخلوقات الله.
سبحوا الله.
فى كل زمان
و فى كل مكان
و فى كل حال
           ملاح بحور الحكمة
            مرقص اقلاديوس