زجل مغربي.....يزيد علوي اسماعيلي

أندرو فرج أعدام لخاطفى أطفالنا
عيل تايه يا وﻻد الحﻻل
سبحانك ربي مغير اﻷحوال
من سرقة فلوس لسرقة عيال
أحنا عايشين فى بلد ولا أدغال

تعبنا يا بلد مش قادرين نكمل
المشوار
كل شئ اتسرق مش فاضل
غير العيال
طب أنا هبيع عيالى وأنهى
المشوار
وأنا لسه بعقلى ومبقتش مجنون
ياله هنفتح الأوكازيون
عيل خالى من اﻷمراض ولسه
معندهوش فيروسات
وﻻ حتى سرطانات
ماهو لسه مأكلش المسرطانات
ولا زى كل العيال
عيل فى زهور الربيع ليه أملى
يضيع بين اﻷدغال
هبيع عيالى أيوا هبيع
وﻻ أقتلهم بأيدى وأرتاح وأدفنهم
فى التراب التراب أحن عليهم
من اﻷوغال
وميتباعوش قطع غيار
عيل تايه يا ولاد الحلال
يا مسئول قولى أيه غير
اﻷحوال
وأيه نهاية ده موال
ومين حامى دول البغال
أمتى هنقصى على اﻷشرار
بتمسكولنا اﻷذيال وسايبن
الرأس الفعال
ليه أتكتبت علينا اﻷقدار
هى عيالنا مش زى باقى
العيال
ولا مش زى ولاد الكبار
لسه الحكومة ماشية نفس
الأفكار
يمسكولنا كام حمار
ويسيبوا البغال
واللى كان سايق الحمار
واللى بيحرض على خطف
العيال
هو فيه حمار بيمشى لوحده
مشوار
ولا ليه قائد وسط اﻷدغال
أمتى هنقضى على أساس
اﻷفعال
ومنمسكش ونحاكم شوية
أذيال
علشان نلعب باﻷفكار
اﻷسم حاكمنا كام حمار
ولسه جارى خطف العيال
كلمات أندرو فرج
29/9/2016