وائل عمر .------عنقود لكن مش عنب ..-------عنقود أمريكا للعرب
عنقود لكن مش عنب
وفرطوه فى يوم عالبلد
كلت من الولاد حباته
اتفجر منهم ولد
اتفرقت شظياته
بكت عليه الأم
يا أمه حالها يغم
راحت ف جسمه تلم
ما لاقيت غير كفاته
ضحكت مع الصرخات
ابنى شهيد يا خلق
والجنه هى حياته
ورى العالم كفوفه
خلى العالم يشوفه
يمكن يصحا من خوفه
يقف فى وش الظلم
قفل العالم عنيه مد للظلم ايديه
يعاونه ويقويه
يناصرة ما يعاديه
والظالم مين يحوشه
دى مش أراده شعب
دا الرب هو المعين
قادر بقدرته يهزم عدو لعين
والنصر مش هيشوفه
لو حتى أصبح حليفه
مش راح يدوم الظلم ايديه
يا أمه حالها يغم
يا أم من غير ايدين.
يا طفل من غير عنين
هو احنا عايشين فين
لو ايدنا فى ايد بعضنا
كان ينصرنا ربنا
وباذنه يزيل الهم
يا أمه حالها يغم
(وائل عمر)
تعليقات
إرسال تعليق