الله يرحم الميمة ***** كلمات الزجال لحسن بوعاد
الله يرحم الميمة
يالي من قلبي حبيتك & و بآخر قطرة سقيتك
بفراقك يا الميمة ما سخيت & من غيرك لا من يعمر البيت
بين يدي زهقت الروح & يا لي كنت بسري ليك نبوح
نصيح نبكي والنوح & و القلب على لفراق مجروح
راحت الميمة و مشات
ليك لقنت الشهادة & و رويت عطشك بزيادة
و ليك غمت العين & ودموعي سايلة على الجبين
كنت حديثي و شواري & فراقك راه شعل ناري
في دنيا غريبة بقيت & و بالوحدانية حسيت
ناري شاعلة بين الضلوع & على فراق ما ليه رجوع
راحت الميمة و مشات
لامن بقى علي يسال & كيف عندي صار الحال
ولا من يدق الباب & ينسيني لهموم و العذاب
راحت الميمة و مشات & خلات أولاد و بنات
من يومها الدار خوات & و لحزان عندي بدات
راحت علي الميمة و مشات
نسهى عليها و النادي & وحالي ما بقى عادي
كانت لي عمارت الدار & فراقها شعل في نار
لا ثيقة فيك يا دنيا ولا أمان & فرقتي شحال من عشران
تحرقي قلب الإنسان & وتعوضي الفرحة بلحزان
كلمات الزجال لحسن بوعاد
تعليقات
إرسال تعليق