مالك يا وطن/ بقلم سامى محمود حنفى
مالك يا وطن
صابك العفن
وكتير م الحرابي
لونها بات عطن
باكتيريا وطفيليات
عايشين ع الازمات
وسوس عمال بينخر
ف جدارك الوهِـن
مرضى ب العنجهية
وامجاد ما عيشناهاش
وحكاوي عنترية
وب يسرقنا الزمن
واخدين الجهل غية
و كأنه احلام شجية
كفينا الطين حَنيه
وب نشتكي المحن
غرورنا نار وسارية
ب تاكل ف الهَشيم
وحجارة عقول وفاضية
شلت البدن
والاعجب كل ثانيه
نعيش ف كدبه تانيه
نألف براهين ونحلف
أنه مخطط نَتين
#وعجني!!!!!!!!
عجنيات : #سامى_محمود_حنفى
تعليقات
إرسال تعليق