لا هتفلسف ولا هسرح __ بقلم الشاعر خالد الحناوى
لا هتفلسف
ولا هسرح
ولا هكتب كلام متعاد
ولا هشغل دماغي بوهم
ولاهفتح بقلمي مزاد
وهحكي
في شعري عن واقع
بيحصل كل يوم بينا
واقول الحق
وادافع
وهدعي ربنا يعينا
وهسمع
صوت ضميري الحي
وهزرع في الوطن جدري
وادور
ع اللي طافي الضي
واشيل كفني علي صدري
وهصرخ
في المعاني تثور
وادندن
لحن ناي مكسور
وهنشد غنوتي للخلق
واطير
وسط السحاب عصفور !!
#خالد_عاطف
تعليقات
إرسال تعليق